എന്റെ ആകാശക്കീറിലൂടെ
കറുത്ത നിലാവെളിച്ചം കുടിച്ച്
ഓര്മകളിലൊറ്റയാവുന്നു, ഞാനും
സാന്ദ്യ താരകങ്ങളും ...
എനിക്കോര്മ്മയുണ്ട് ..,
നിലാവുദിക്കാത്ത ഒരു രാത്രി
കത്തുന്ന ഒരു നക്ഷത്രമെറിഞ്ഞു
നീയെന്നെയാദ്യമായ് പൊള്ളിച്ചതും ,
പിന്നെപ്പലകുറി വന്നുപോയ
പൌര്ണമികളിലോക്കെയും
കൈകോര്ത്തൊരുടലായുപ്പുരസ-
രുചിഭേദമാകെയറിഞ്ഞതും ,
കത്തുന്ന സൂര്യന്റെ ക്രൌര്യങ്ങളില് നിന്ന്
ഹൃത്തിന്റെ പച്ചപ്പില് നിന്നെയോളിപ്പിച്ച്
സങ്കടക്കവിതയുടെ മഷിപ്പേനയും കൊണ്ട് ,
പൊള്ളുന്ന മരുപ്പാതകളിലോന്നും
നാം കരയാതിരുന്നതും ...!!
എന്നിട്ടും അവസാനത്തെ
എന്റെ കാവല് നക്ഷത്രത്തെയും
എറിഞ്ഞുടച്ച്, ഏത്
തമോഗര്ത്തത്തിലേക്കാണ്
നിന്നയവര് കൊണ്ടുപോയത് ..?
എക്സ്റേ ഷീറ്റിലൂടെ കുട്ടികള് പോലും
ഗ്രഹണം കാണുന്ന കാലത്ത്
എന്തിനാണ് നിങ്ങള്
നിലാവിന് പലപേരിടുന്നത്..?
എക്സ്റേ ഷീറ്റിലൂടെ കുട്ടികള് പോലും
ReplyDeleteഗ്രഹണം കാണുന്ന കാലത്ത്
എന്തിനാണ് നിങ്ങള്
നിലാവിന് പലപേരിടുന്നത്..?